Dünən axşam ABŞ-da MLS çempionatı çərçivəsində “Çikaqo Fayr” və “İnter Mayami” komandaları arasındakı qarşılaşma böyük ajiotaj yaradıb. “Soldier Field” stadionunda baş tutan matçı tribunadan 63 940 azarkeş izləyib ki, bu da klub üçün yeni rekord olub.
Matçdan əvvəl sabiq “Barselona” ulduzları – Lionel Messi, Luis Suares və Robert Levandovski səmimi şəkildə qucaqlaşıb söhbət ediblər. Bu qarşılaşma həm də Levandovskinin ABŞ-da Messi ilə ilk dueli olub. Gərgin mübarizə şəraitində keçən oyun 1:1 hesablı heç-heçə ilə başa çatıb və “Çikaqo Fayr”ın yeganə qoluna polşalı hücumçu imza atıb. “İnter Mayami”ni məğlubiyyətdən xilas edən qolu Messinin ötürməsi ilə Kazemiro vurub. Klubun yaydığı açıqlamada dünya şöhrətli hücumçu Robert Levandovskinin komandaya qoşulmasının klub tarixində yeni era açdığı vurğulanıb. Xatırladaq ki, əvvəlki rekord 2025-ci il iyulun 13-də yenə həmin rəqiblər arasındakı matçda qeydə alınmışdı (62 358 tamaşaçı). Hazırda “Çikaqo Fayr” Şərq Konfransının turnir cədvəlində 39 xalla 4-cü pillədə qərarlaşıb.