DÇ-2026-nın startına bir ay qalsa da, İran millisinin turnirdəki taleyi hələ də qeyri-müəyyənliyini qoruyur. Regiondakı hərbi-siyasi gərginlik fonunda FİFA prezidenti Canni İnfantino isə qətiyyətli mövqe nümayiş etdirir.

İranın ABŞ və İsrail ilə yaşanan silahlı münaqişələri fonunda futbol ictimaiyyətində komandanın turnirdən kənarlaşdırılması məsələsi gündəmə gəlib. Bir müddət əvvəl yayılan məlumatlara görə, İranın iştirakdan imtina edəcəyi və ya turnirdən uzaqlaşdırılacağı təqdirdə, FİFA-nın boş qalan yer üçün təsnifat mərhələsini keçə bilməyən ən yaxşı komandalar arasında əlavə pley-off oyunları təşkil edə biləcəyi vurğulanırdı.

Bütün bu müzakirələrə baxmayaraq, FİFA prezidenti Canni İnfantinonun sosial şəbəkələrdəki son aktivliyi komandaların tərkibində dəyişiklik olmayacağına işarə edir. İnfantino öz “Instagram” hesabında İran millisini ardıcıl dördüncü dəfə mundiala vəsiqə qazanması münasibətilə təbrik edib: “İran yığmasına ardıcıl dördüncü Dünya Çempionatında uğurlar arzulayıram!”.

İnfantinonun dəstəyinə baxmayaraq, vəziyyət İran üçün mürəkkəb olaraq qalır. Xüsusilə nəzərə alsaq ki, İran millisi qrup mərhələsinin bütün oyunlarını gərgin münasibətdə olduğu ABŞ-ın ərazisində keçirməlidir. Bu faktor turnir boyu həm diplomatik, həm də təhlükəsizlik məsələlərini diqqət mərkəzinə çıxarır. Hazırda dünya futbol ictimaiyyəti rəsmi siyahıların qətiləşməsini və turnirin startını gözləyir, lakin siyasətin yaşıl meydanlara təsiri hələ