Azərbaycan Kubokunun mayın 13-də keçiriləcək möhtəşəm final qarşılaşması öncəsi komandaların hazırlıq planı müəyyənləşib. Peşəkar Futbol Liqasının (PFL) mətbuat xidmətinin yaydığı məlumata görə, həlledici oyun ərəfəsində təşkil olunacaq mətbuat konfranslarının və media üçün açıq məşqlərin vaxtı artıq dəqiqləşib.

Həlledici matçdan bir gün öncə “Palms Sports Arena”da baş məşqçilərin mətbuat konfransları keçiriləcək. Media nümayəndələrinin suallarını ilk olaraq saat 16:30-da Valdas Dambrauskas (“Sabah”), ardından isə 18:30-da Rəşad Sadıqov (“Zirə”) cavablandıracaq.

Futbolsevərlər mətbuat konfranslarını “CBC Sport” telekanalı və PFL-in rəsmi “AzPFL” YouTube kanalı vasitəsilə canlı izləyə biləcəklər.

Komandaların final öncəsi son hazırlıqları da medianın diqqət mərkəzində olacaq.  Final öncəsi son hazırlıq proqramı da bəlli olub. Belə ki, “Zirə”  mayın 11-də saat 17:45-də, “Sabah” isə mayın 12-də saat 17:00-da “Palms Sports Arena” da media nümayəndələri üçün açıq məşqə çıxacaq. Hər iki məşqin ilk 15 dəqiqəsi mətbuat üçün açıq olacaq. “Sabah” final matçında nominal meydan sahibi statusunda çıxış edəcək.