Bu gün şahmat üzrə ölkə çempionatında final mərhələsinin ilk oyunları keçirilib.
Kişilərin yarışında turnirin reytinq-favoriti Şəhriyar Məmmədyarov Məhəmməd Muradlı ilə heç-heçə edib. Qadınların mübarizəsində isə Ülviyyə Fətəliyeva Ayan Allahverdiyevaya qalib gəlib.
Eyni zamanda, üçüncü yer uğrunda da ilk görüşlər baş tutub. Kişilərin birinciliyində Aydın Süleymanlı Read Səmədovu məğlub edib, qadınların turnirində isə Gülnar Məmmədova və Türkan Məmmədyarova sülh bağlayıblar.
Sabah cavab oyunları keçiriləcək.