Azərbaycan millisinin hücumçusu Mahir Emrelinin çıxış etdiyi “Kayzerslautern” səfərdə “Maqdeburq”un qonağı olub. Qarşılaşma qonaq komandanın minimal hesablı qələbəsi ilə başa çatıb.
Görüşün 74-cü dəqiqəsində meydana daxil olan həmyerlimiz, dərhal sarı vərəqə ilə yadda qalıb. Elə həmin dəqiqədə xəbərdarlıq alan hücumçu, qalan vaxtda komandasının səfər qələbəsini rəsmiləşdirməsinə kömək edib.
Bu qələbədən sonra aktivindəki xalların sayını 52-yə çatdıran “Kayzerslautern” turnir cədvəlinin 6-cı pilləsində qərarlaşıb.