Uruqvay Futbol Assosiasiyasının (AUF) prezidenti İqnasio Alonsoya istinadən “Marca” nəşrinin məlumatına görə, Dieqo Forlan Uruqvay yığmasının baş məşqçisi təyin edilib.
47 yaşlı mütəxəssislə 2027-ci ilin martına qədər müqavilə bağlamıb. O, həmçinin U-20 gənclər yığmasına da rəhbərlik edəcək. AUF gələn ilin yazında Forlanla əməkdaşlığın davam etdirilib-etdirilməyəcəyinə dair yekun qərarını verəcək.
Forlan bu postda Uruqvay millisinin DÇ-2026-da pley-offa yüksələ bilməməsindən sonra postunu tərk edən Marselo Byelsanı əvəzləyib.
Təcrübəli mütəxəssis 2021-ci ilin sentyabrında Uruqvayın “Atenas”ından ayrıldıqdan sonra məşqçilik fəaliyyətinə fasilə vermişdi. O, daha əvvəl “Penyarol” kollektivini də çalışdırıb.
Uruqvay yığmasının formasında 112 oyuna çıxaraq 36 qola imza atan Forlan, 2011-ci ildə yığma ilə Amerika Kubokunu qazanıb. Klub səviyyəsində isə “Mançester Yunayted”lə İngiltərə çempionu və ölkə kubokunun sahibi olub, Madrid “Atletiko”su ilə Avropa Liqasında zəfər çalıb. Əfsanəvi hücumçu karyerası ərzində 2 dəfə “Qızıl büts” mükafatına layiq görülüb.