DÇ-2026-nın 1/16 final mərhələsində İsveç yığması ilə qarşılaşan Fransa millisi meydandan rahat qələbə ilə ayrılıb – 3:0. “Üçrənglilər”ə növbəti mərhələnin biletini Kilian Mbappenin dublu və Bredli Barkolanın dəqiq zərbəsi qazandırıb.
“BBC Match of the Day”in yaydığı məlumata görə, bu qələbə baş məşqçi Didye Deşam üçün əlamətdar olub. Təcrübəli mütəxəssis dünya çempionatlarının final mərhələlərində qazanılan qələbə sayına görə (17 qələbə) Helmut Şönü geridə qoyaraq turnir tarixinin mütləq rekordçusu olub. Qeyd edək ki, 2012-ci ildən bəri Fransa yığmasına rəhbərlik edən Deşamın bu mundialdan sonra postunu tərk edəcəyi gözlənilir.
1/8 final mərhələsinə adlayan Fransa yığması bu turda Paraqvay ilə qarşılaşacaq. Sözügedən qarşılaşma iyulun 5-də baş tutacaq.