ABŞ, Kanada və Meksikanın birgə ev sahibliyi etdiyi dünya çempionatının pley-off mərhələsində Mərakeş millisi Niderlandı penaltilər seriyasında məğlub edərək növbəti mərhələyə yüksəlib. Bu tarixi qələbə Niderlandda yaşayan böyük Mərakeş icması tərəfindən coşqu ilə qarşılansa da, Haaqa küçələrində iğtişaşlara yol açıb.

Şəhərin Şildersvejk rayonunda asayişi pozan azarkeşlərlə asayiş keşikçiləri arasında toqquşmalar baş verib. Haaqa polisinin verdiyi məlumata görə, aqressiv kütlə hüquq-mühafizə orqanlarının əməkdaşlarına daş və pirotexniki vasitələr atıb. İzdihamı dağıtmaq üçün hadisə yerinə cəlb olunan xüsusi təyinatlı polislər su şırnaqlarından istifadə etməli olublar.