Çexiyanın paytaxtı Praqada gənclər arasında keçirilən Avropa Kubokuna yekun vurulub. 33 ölkədən 455 cüdoçunun mübarizə apardığı turnirin son günündə Azərbaycanın 15 təmsilçisi tatamiyə çıxıb.

Yarışın son günündə olduqca uğurlu çıxış edən idmançılarımız turniri zəngin medal kolleksiyası ilə başa vurublar. Belə ki, tatamiyə çıxan cüdoçularımızdan Mehdi Abbasov (81 kq) və Ramazan Əhmədov (+100 kq) bütün rəqiblərinə qalib gələrək Avropa Kubokunun qızıl medalına sahib olublar. Yalnız finalda uduzan Cəsur İbadlı (81 kq), Canpolad Əliyev (100 kq) və Nərgiz Əhmədova (48 kq) fəxri kürsünün ikinci pilləsinə qalxaraq gümüş medala seviniblər. Millimizin digər üzvləri – Süleyman Şükürov (90 kq), Davud Namazlı (100 kq) və Xədicə Qadaşova (57 kq) isə həlledici qarşılaşmalarda əzmkar mübarizə nümayiş etdirərək turniri bürünc mükafatla tamamlayıblar.

Ölkəmiz turniri ümumilikdə 9 medalla (2 qızıl, 4 gümüş, 3 bürünc) başa vurub. Bu göstərici ilə yığmamız ümumi komanda hesabında Yaponiya (3-2-2) və Ukraynadan (3-0-1) sonra 3-cü yeri tutub. Kişi cüdoçulardan ibarət millimiz isə komanda hesabında bütün rəqiblərini qabaqlayaraq Avropa Kubokunun qalibi olub.