Londonun “Kristal Pelas” klubu İngiltərənin digər təmsilçisi “Vulverhempton”un norveçli hücumçusu Yorgen Strand Larsenin transferini rəsmən elan edib. 25 yaşlı futbolçu London təmsilçisi ilə 4 il yarım müddətinə müqavilə imzalayıb. Mətbuatda yayılan məlumatlara görə, “Kristal Pelas” bu transfer üçün 49,7 milyon avro ödəyib. Bu məbləğ klub tarixinin yeni transfer rekordu kimi qeydə alınıb.
Xatırladaq ki, əvvəlki rekord cəmi bir neçə həftə əvvəl — cari transfer pəncərəsində 40 milyon avro qarşılığında transfer edilən Brennan Consona məxsus idi.
2025/26 mövsümündə Yorgen Strand Larsen klub səviyyəsində ümumilikdə 26 matça çıxıb. Norveçli forvard bu oyunlarda 6 qol və 2 məhsuldar ötürmə ilə yadda qalıb. Məşhur “Transfermarkt” portalı futbolçunun bazar dəyərini hazırda 40 milyon avro olaraq qiymətləndirir.