Bu gün futbol üzrə Çempionlar Liqasında I təsnifat mərhələsinin püşkü atılacaq. Qitənin ən nüfuzlu klub turnirində debüt edəcək “Sabah”ın da ilk rəqibinin adına aydınlıq gələcək.

Püşkatma zamanı səpələnmişlər səbətində qərarlaşan Valdas Dambrauskasın komandasının potensial rəqibləri siyahısına “Şemrok Rovers” (İrlandiya), KuPS (Finlandiya), “Drita” (Kosovo), “Linkoln” (Cəbəllütariq), “Borats” (Bosniya və Herseqovina), “Vikinqur” (İslandiya), “Kayrat” (Qazaxıstan), “Universitatya” (Rumıniya), “Larn” (Şimali İrlandiya), “Riqa” (Latviya), “KI Klaksvik” (Farer adaları), “Flora” (Estoniya), “Petrokub” (Moldova) və “Nyu-Sents” (Uels) klubları daxildir.

Tədbir Bakı vaxtı ilə saat 18:00-da başlayacaq. Qeyd edək ki, bu mərhələnin ilk matçları iyulun 7-i və 8-i, cavab oyunları isə iyulun 14-ü və 15-i tarixlərində keçiriləcək.