«Araz-Naxçıvan» yeni mövsümün hazırlıq planını açıqlayıb. Klubun mətbuat xidmətinin məlumatına görə, Naxçıvan təmsilçisi iyulun 10-da bir araya gələcək. Komanda hazırlığın ilk mərhələsini iyulun 13–20-də keçirəcək və son gündə əvəzedici heyətlə yoxlama oyunu oynayacaq.

İyulun 22–31-i tarixlərinə təsadüf edəcək ikinci mərhələdə isə Naxçıvan klubu üç yoxlama matçına çıxacaq: iyulun 24-də «İmişli», iyulun 31-də isə «Şəfa» ilə qarşılaşacaq komandanın iyulun 28-dəki rəqibi hələlik dəqiqləşməyib. «Araz-Naxçıvan» həmçinin avqustun 7-də də daha bir sparrinq-matç keçirməyi planlaşdırır (rəqib hələ bəlli deyil).

Naxçıvan təmsilçisi bütün hazırlıq prosesini Bakıda keçirəcək.