Qadın basketbolu üzrə millimiz “Avro-2027″nin seçmə mərhələsində növbəti oyununa çıxıb. E qrupunda mübarizə aparan yığmamız 4-cü tur çərçivəsində səfərdə Bolqarıstan seçməsinin qonağı olub.
Plovdiv şəhərindəki “Kolodrum” arenasında baş tutan qarşılaşma meydan sahiblərinin tam üstünlüyü ilə keçib. Oyunun ilk dəqiqələrindən təşəbbüsü ələ alan bolqarlar hər dörd hissədə böyük xal fərqi ilə qalib gələrək, yekun hesabı rəsmiləşdirib – 120:40(34:12, 24:13, 31:5, 31:10).
Seçmə mərhələnin təqviminə əsasən, basketbolçularımız yaxın günlərdə daha iki oyuna çıxacaqlar:
14 mart (20:00): Monteneqro – Azərbaycan (səfər)
17 mart (19:00): Azərbaycan – Ukrayna (ev)
“Avro-2027″nin final mərhələsi Belçika, İsveç, Finlandiya və Litvada təşkil olunacaq. Qitə birinciliyinə vəsiqə qazanmaq üçün qrupda ilk iki yerdən birini tutmaq və ya qruplarını üçüncü pillədə bitirən komandalar arasında ən yaxşı nəticəni göstərmək lazımdır.