Premyer Liqanın iddialı klublarından olan “Turan-Tovuz”un ev oyunlarını keçirəcəyi məkan müvəqqəti olaraq dəyişib. Tovuz təmsilçisi həm çempionat, həm də ölkə kuboku çərçivəsindəki növbəti iki rəsmi qarşılaşmasında rəqiblərini Sumqayıtda qəbul edəcək.
Məcburi ünvan: “Mehdi Hüseynzadə” stadionu
“Azersun Arena”da planlaşdırılan təmir bərpa işləri və stadionun müvəqqəti bağlanması ilə əlaqədar olaraq, “Turan Tovuz” rəqiblərini Sumqayıtın doğma arenasında – “Mehdi Hüseynzadə” adına şəhər stadionunda qonaq edəcək.
Klubun Sumqayıtda keçirəcəyi oyunların siyahısı:
Premyer Liqa: “Turan-Tovuz” – “Qəbələ”
Ölkə Kuboku: “Turan-Tovuz” – “Zirə”
Tovuz stadionunun taleyi necə olacaq?
Azarkeşləri ən çox maraqlandıran məqam isə komandanın doğma rayona nə zaman qayıdacağıdır. Məlumata görə, qeyd olunan iki matçdan sonra Tovuz şəhər stadionunun ümumi vəziyyəti yenidən qiymətləndiriləcək.
Yoxlamaların nəticəsindən asılı olaraq, komandanın çempionatın 26-cı turundan etibarən ev oyunlarını yenidən Tovuzda keçirib-keçirməyəcəyi ilə bağlı yekun qərar veriləcək.