Çempionlar Liqasının pley-off mərhələsində ‘Qarabağ’ın rəqibi olacaq ‘Nyukasl’da vəziyyət getdikcə gərginləşir. Hazırda “sağsağanlar” öz tarixinin ən dərin böhranlarından birini yaşayır. Budur, təmsilçimizin rəqibi haqqında ən son məlumatlar və bu gərginliyin “Qarabağ” üçün yaratdığı tarixi üstünlüklər:

1. Eddi Hau İsteffanın bir addımlığında

“Nyukasl”ın baş məşqçisi Eddi Haunun taleyi tükdən asılıdır. Premyer Liqada ardıcıl üç məğlubiyyət alan komandada rəhbərliyin səbri tükənib. “Qarabağ”la oyunlara qədər komandanın sükanı arxasında yeni məşqçinin olması və ya Haunun gərgin təzyiq altında qalması təmsilçimizin xeyrinə ola bilər.

2. Yorğunluq və fiziki çöküş

“Qarabağ”ın rəqibi rəsmən yorğunluqdan “nəfəs ala bilmir”. Bu mövsüm artıq 39 rəsmi oyuna çıxan “Nyukasl”da əsas oyunçuların yükü həddindən artıqdır.

Malik Tia, Sandro Tonali və Bruno Qimaraeş kimi ulduzlar artıq 2,700 dəqiqədən çox meydanda olublar.

Komanda son oyunlarda fiziki olaraq rəqiblərinə uduzur. “Qarabağ”ın sürətli oyunçuları üçün bu, orta sahədə böyük boşluqlar deməkdir.

3. Sandro Tonali faktoru: fikri transferdədir

“Nyukasl”ın ən bahalı və önəmli oyunçusu Sandro Tonalinin ətrafında transfer şayiələri komandadakı daxili ab-havanı pozur. Agentinin yayda “Arsenal” və ya “Çelsi”yə keçidlə bağlı açıqlamaları və futbolçunun son oyunlardakı ruhsuz çıxışı “Nyukasl”ın mərkəz xəttini zəiflədib. Tonalinin meydanda sanki “itkin düşməsi” Qurban Qurbanovun yetirmələri üçün mərkəzi ələ keçirmək şansı yaradır.

4. “Cəhənnəm” qrafiki

“Nyukasl”ın “Qarabağ”la oyunlar öncəsi və oyunlar arasındakı təqvimi dəhşətlidir:

“Tottenhem” (Premyer Liqa)

Yeri gəlmişkən, gələn çərşənbə axşamı keçiriləcək “Nyukasl” – “Tottenhem” matçı İngiltərə mətbuatında “El Sackico” (istefa matçı) adlandırılır. Əgər bu oyunda “Nyukasl” məğlub olsa, “Qarabağ” Bakıda rəqibi tamamilə yeni və ya müvəqqəti məşqçi ilə qarşılaya bilər.

“Aston Villa” (FA Kuboku)

“Mançester Siti” (Premyer Liqa)

“Qarabağ” (Çempionlar Liqası – iki oyun)

Bu qədər sıx qrafikdə “Nyukasl”ın seçim etməsi artıq qaçılmazdır. Hazırda düşmə zonasından cəmi 10 xal uzaqda olan və turnir cədvəlində sürətlə geriləyən ingilislərin əsas diqqəti daxili çempionata yönəltməsi “Qarabağ”ın işinə yaraya bilər. Rəqibin daxili böhranı təmsilçimiz üçün növbəti Avropa sensasiyası üçün qapı açır!

5. Azarkeş təzyiqi və psixoloji durum

“Sent-Ceyms Park”dakı o məşhur atmosfer artıq komandanın əleyhinə dönüb. Azarkeşlər komandanı fitə basır. Bu psixoloji gərginlik “Nyukasl” oyunçularının səhv etmə ehtimalını artırır.