Bu gün Azərbaycan Premyer Liqasında çempionluq yarışına birbaşa təsir edəcək mühüm qarşılaşma baş tutacaq. 1-ci turdan təxirə salınmış oyunda turnir cədvəlinin iki iddialı komandası – “Sabah” və “Qarabağ” üz-üzə gələcək.
Masazırda yerləşən “Bank Respublika Arena”da keçiriləcək matçın start fiti saat 19:30-da səslənəcək. Görüşün baş hakimi FİFA referisi Elçin Məsiyevdir.
Hazırda Ağdam təmsilçisi “Qarabağ” 33 xalla turnir cədvəlinə liderlik edir. Onun ən yaxın izləyicisi olan “Sabah” isə 31 xalla ikinci pillədə qərarlaşıb. Bu oyunun nəticəsi liderin dəyişməsinə və ya fərqin daha da artmasına səbəb ola bilər.