İspaniyanın Linares şəhərində keçirilən qadınlardan ibarət yığma komandaların şahmat üzrə Dünya Çempionatının yarımfinalında Qazaxıstanla qarşılaşan yığmamız (Ülviyyə Fətəliyeva, Gövhər Beydullayeva, Xanım Balacayeva, Gülnar Məmmədova və Ayan Allahverdiyeva) rəqibini tay-brekdə məğlub edərək (3:1) həlledici oyuna vəsiqə qazanıb. Xatırladaq ki, bu cütün ilk iki oyunu sülhlə başa çatmışdır (2:2, 2:2).
Qadınlarımız finalada Çini 2,5:1,5 hesabıyla məğlub edən FİDE komandası ilə qarşılaşacaq. İki ildən bir keçirilən qadın yığmalarının mundialında iki oyundan ibarət olan final qarşılaşmaları bu gün baş tutacaq. Bu oyunlarda qalib müəyyənləşməsə, rəqiblər arasında tay-brek oynanılacaq.