“Karvan-Yevlax” bundan sonra ev oyunlarını Yevlax Şəhər Stadionunda keçirəcək. Belə ki, stadionda aparılan bərpa və təmir işləri başa çatıb və ot örtüyü dəyişdirilib. Dəqiq desək, artıq arena Premyer Liqa standartlarına tam cavab verir. PFL nümayəndələrinin sonuncu dəfə stadiona noyabrın 4-də baxış keçiridiyi və “Karvan-Yevlax”ın çatışmazlıqları aradan qaldıdığı bildirilib. Həmçinin klub rəhbərliyi FIFA-dan alınan süni örtük üçün müvafiq keyfiyyət sertifikatını təqdim edib.
Gələn həftədən başlayaraq yevlaxlılar qonaqları öz meydanında qəbul edəcək. Bu səbəbdən Misli Premyer Liqasının 12-ci turunun noyabrın 21-inə təyin edilən “Karvan-Yevlax” – “Kəpəz” oyun Şamaxıda deyil, Yevlaxda keçiriləcək.