Serbiya çempionatının 14-cü turunda səfərdə “Mladost”la qarşılaşan “Radniçki 1923” komandasının məşqçisi Mladen Jijoviç vəfat edib. Hadisə oyunun 22-ci dəqiqəsində, qonaqlar 2:0 hesabıyla öndə olarkən baş verib. 44 yaşlı məşqçi özünü pis edib və həkimlər ona yerində ilkin yardım göstərdikdən sonra xəstəxanaya aparıblar. Məşqçi elə orada dünyasını dəyişib. Faciəvi xəbər rəsmən açıqlandıqdan sonra oyun birinci hissənin bitməsinə bir neçə dəqiqə qalmış dayandırılıb.
