“Qırmızı şeytanlar” yay transfer pəncərəsində böyük həmlələrə hazırlaşır. Mançester təmsilçisi “Qalatasaray”ın nigeriyalı hücumçusu Viktor Osimhen və “Milan”ın portuqaliyalı ulduzu Rafael Leaonun transferini eyni vaxtda bitirmək niyyətindədir.
*”Sky Sports”*un yaydığı məlumatına görə, hücum xəttini gücləndirmək istəyən “qırmızı şeytanlar” Osimhen üçün Türkiyə klubuna 100 milyon avroluq rəsmi təklif göndərməyə hazırlaşır. 27 yaşlı ulduz hücumçu İstanbul klubunda keçirdiyi 74 rəsmi oyunda 59 qol və 16 məhsuldar ötürmə ilə diqqətləri üzərinə çəkməyi bacarıb.
Bununla yanaşı, “Mançester Yunayted” sol cinah vingeri Rafael Leaonun transferində “Qalatasaray”a rəqib olub. Türkiyə çempionunun da heyətinə qatmaq istədiyi portuqaliyalı ulduz üçün Mançester klubunun artıq hərəkətə keçdiyi bildirilir.