UEFA Çempionlar Liqasının III təsnifat mərhələsində keçiriləcək “Sabah” – “Orxus” cavab görüşünün hakimləri müəyyənləşib.
UEFA qarşılaşmanı Portuqaliyadan olan hakimlər briqadasına həvalə edib. Oyunun baş hakimi Joau Pinheyru olacaq. Ona yan xətt hakimləri Lusianu Maia və Uqu Markeş kömək edəcəklər. Dördüncü hakim funksiyasını isə Fabio Verissimo yerinə yetirəcək.
VAR otağında da Portuqaliya təmsilçisi Tyaqu Martinş çalışacaq.
Qeyd edək ki, “Sabah” – “Orxus” qarşılaşması avqustun 11-də Masazırdakı “Bank Respublika Arena”da keçiriləcək. Görüş Bakı vaxtı ilə saat 20:00-da başlayacaq.