“PSJ”nin transfer siyahısında olan “Leyptsiq”in 19 yaşlı cinah oyunçusu Yan Diomande üçün “Real” hərəkətə keçib. Madrid təmsilçisi Brahim Diasın komandadan ayrılma ehtimalı fonunda, gənc iyerlini heyətinə qatmaq üçün rəqiblərinə meydan oxuyur.

İnsayder Fabritsio Romanonun məlumatına görə, “PSJ” artıq futbolçu ilə şəxsi razılığa gəlsə də, “Leyptsiq” ilə hələlik ortaq məxrəcə gələ bilməyib. Bu fürsətdən istifadə edən “Real” oyunçu üçün yüksək məbləğli təklif irəli sürüb. “The Athletic” isə bildirir ki, almanlar “qızıl istedadı” üçün astronomik rəqəm – təxminən 1,44 milyard funt-sterlinq tələb edir və onu satmaqda maraqlı deyillər.

“Leyptsiq”in baş direktoru Marsel Şefer futbolçunun toxunulmaz olduğunu vurğulayıb: “Bizim qəti mövqeyimiz budur ki, Yan gələn mövsüm də bizim formanı geyinəcək”. 2030-cu ilə qədər müqaviləsi olan futbolçu ilə yeni anlaşma imzalamaq istəyən “Leyptsiq” onu komandanın gələcəyi kimi görür.

Ötən mövsüm Bundesliqada 33 oyunda 12 qol və 9 məhsuldar ötürmə ilə yadda qalan Kot-d’İvuar millisinin üzvü üçün transfer mübarizəsinin yaxın günlərdə daha da gərginləşəcəyi gözlənilir.