Almaniya futbolunda yer yerindən oynayır. Dünya çempionatındakı rüsvayçı uğursuzluqdan sonra ölkədə böyük qəzəb dalğası yaranıb və bunun ilk qurbanı baş məşqçi olacaq. Ölkənin nüfuzlu “BILD” nəşrinin yaydığı eksklüziv məlumata görə, Yulian Nagelsmann yaxın saatlarda rəsmən istefaya göndəriləcək. Artıq onu əvəzləyəcək dünyaşöhrətli simanın adı da məlumdur.
“BILD”-in insayderlərinə görə, DFB (Almaniya Futbol İttifaqı) rəhbərliyi Nagelsmannın gedişi ilə bağlı yekun qərarı ən qısa zamanda elan edəcək. Boş qalacaq baş məşqçi postu üçün isə cəmi bir favorit var.
Bütün iddialar və pərdəarxası məlumatlar tək bir adı göstərir: Bundestimin yeni baş məşqçisi böyük ehtimalla Yurgen Klopp olacaq.
Almaniya futbolunu bu ağır böhrandan çıxarmaq missiyası alman azarkeşlərin sevimlisi olan Kloppa tapşırılır. Rəsmi açıqlamanın çox yaxında veriləcəyi gözlənilir.