İngiltərə millisinin hücumçusu Harri Keyn dünya və Avropa çempionatlarının tarixinə düşüb. Təcrübəli forvard qitə futbolu tarixində özünəməxsus rekorda imza atıb.

DÇ-2026-nın 1/16 final mərhələsində DR Konqo ilə matçda dubl edən Keyn, böyük turnirlərdə vurduğu qolların sayını 20-yə (13 qol dünya çempionatlarında, 7 qol Avropa çempionatlarında) çatdırıb. Bu göstərici ilə o, almaniyalı əfsanə Miroslav Klozeni və fransalı ulduz Kilian Mbappeni geridə qoyaraq, böyük turnirlərdə ən çox qol vuran ikinci avropalı futbolçu olub.

Hazırda bu siyahıda liderlik 24 qolla portuqaliyalı ulduz Kriştianu Ronalduya məxsusdur.

Avropanın ən məhsuldar forvardları (DÇ və AÇ)

№        Futbolçu                         Ölkə                                     Qol 

1            Kriştianu Ronaldu         Portuqaliya                          24

2            Harri Keyn                     İngiltərə                               20

3            Miroslav Kloze              Almaniya                             19

4            Kilian Mbappe               Fransa                                  19

5            Gerd Müller                    Qərbi Almaniya (AFR)       18

Harri Keynin böyük turnirlərdəki bütün qolları (20 qol)

İngiltərə seçməsinin kapitanının qol siyahısı xronoloji ardıcıllıqla aşağıdakı kimidir:

DÇ-2018: Tunis (dubl), Panama (het-trik), Kolumbiya

AÇ-2020: Almaniya, Ukrayna (dubl), Danimarka

DÇ-2022: Seneqal, Fransa

AÇ-2024: Danimarka, Slovakiya, Niderland

DÇ-2026: Xorvatiya (dubl), Panama, DR Konqo (dubl)