İngiltərə yığmasının baş məşqçisi Tomas Tuxelin dünya çempionatı üçün açıqladığı heyət futbol ictimaiyyətində bomba effekti yaradıb. Mütəxəssisin seçimindən kənarda qalan ulduz futbolçuların adı və “qısnama” iddiaları gündəmi zəbt edib.
Qərarları ilə bağlı açıqlama verən Tuxel, şəxsi münasibətləri kənara qoyduğunu vurğulayıb: “Çox çətin və məsuliyyətli qərarlar verməli oldum. Bu, mənim üçün ağrılı olsa da, komandaya olan inamım və etibarım hər şeydən üstündür”.
Cümə axşamı rəsmiləşən siyahı İngiltərə futbolu üçün gözlənilməz olub. Koul Palmer, Fil Foden və Harri Maquayr kimi aparıcı ulduzların dünya çempionatı üçün iştirak ərizəsinə salınmaması böyük şok effekti yaradıb.
Xüsusilə Harri Maquayrın kənarda qalması ailəsində sərt reaksiyaya səbəb olub. Oyunçunun anası Zoi Maquayr sosial şəbəkə hesabında bu qərarı “təhqiramiz” adlandıraraq baş məşqçini topa tutub. Bundan əlavə, bəzi oyunçuların heyətdən kənarlaşdırılması ilə bağlı “psixoloji təzyiq” və “qısnama” iddialarının gündəmə gəlməsi vəziyyəti daha da gərginləşdirib.
Bu qərarların fonunda İngiltərə millisi üçün tarixi bir antirekord da qeydə alınıb. DÇ-1986-dan bəri ilk dəfədir ki, İngiltərə millisinin heyətində “Liverpul”un heç bir futbolçusu yer almayıb.
İngiltərə millisinin dünya çempionatı üçün heyəti:
Qapıçılar; Cordan Pikford (“Everton”), Din Henderson (“Kristal Pelas”), Ceyms Traffford (“Mançester Siti”)
Müdafiəçilər; Ris Ceyms (“Çelsi”), Tino Livramento (“Nyukasl”), Mark Guehi (“Mançester Siti”), Ezri Konsa (“Aston Villa”), Con Stounz (“Mançester Siti”), Carell Kuansa (“Bayer Leverkuzen”), Niko O’Reyli (“Mançester Siti”), Den Börn (“Nyukasl”), Ced Spens (“Tottenhem”)
Yarımmüdafiəçilər; Deklan Rays (“Arsenal”), Elliot Anderson (“Nottingem Forest”), Cud Bellinqem (“Real Madrid”), Cordan Henderson (“Brentford”), Morqan Rocers (“Aston Villa”), Kobbi Maynu (“Mançester Yunayted”)
Hücumçular; Harri Keyn (“Bavariya”), İvan Toni (“Əl-Əhli”), Olli Uotkins (“Aston Villa”), Bukayo Saka (“Arsenal”), Noni Madueke (“Arsenal”), Markus Reşford (“Barselona”), Entoni Qordon (“Nyukasl”), Ebereçi Eze (“Arsenal”)