“Qarabağ”ın və cinah oyunçusu Toral Bayramov karyerasında yeni səhifə açmağa hazırlaşır. 25 yaşlı futbolçunun növbəti mövsümə yeni klubun heyətində başlayacağı gözlənilir. “Köhlən atlar”ın heyətində həm müdafiənin, həm də yarımmüdafiənin cinahlarında nümayiş etdirdiyi universal oyunu ilə seçilən Bayramov, daha çox şans qazanacağı bir komandaya keçmək niyyətindədir. Futbolçunun əsas hədəfi mütəmadi olaraq “start heyət” oyunçusu olmaq və oyun praktikasını artırmaqdır.

Hazırda millinin oyunçusu Toralın xidmətində həm yerli Premyer Liqa təmsilçiləri, həm də bir neçə xarici klub maraqlı olduğu bildirilir. Məlumata görə onun legioner həyatı yaşamaq ehtimalı artıq masadadır. Ancaq futbolçu hələ ki, yekun qərarını verməyib, lakin tərəflər arasında vidalaşma ehtimalı kifayət qədər yüksək qiymətləndirilir.

Xatırladaq ki, Toral Bayramovun Ağdam təmsilçisi ilə qüvvədə olan müqaviləsi 2026/27 mövsümünün sonuna qədərdir. Bu isə o deməkdir ki, mümkün transfer reallaşacağı təqdirdə, qarşı tərəf “Qarabağ”a təzminat ödəməli və ya oyunçunu icarə əsasında heyətinə qatmalıdır.