Basketbol üzrə Avropa çempionatının 1/4 final mərhələsində keçirilən Türkiyə – Polşa qarşılaşması başa çatıb. Görüşdə türkiyəli basketbolçular inamlı qələbə qazanaraq 91:77 (19:19, 27:13, 19:18, 26:27) hesabı ilə yarımfinala yüksəliblər.
Qalib yığmanın ən məhsuldar oyunçusu mərkəz basketbolçusu Alperen Şengün olub. O, tripl-dabl göstəricisi ilə yadda qalıb – 19 xal, 10 ribaund və 10 ötürmə. Polşa yığmasında isə ən yaxşı nəticəni müdafiəçi Cordan Loyd göstərib. Onun aktivində 19 xal, 3 ribaund və 2 ötürmə olub.
Qeyd edək ki, basketbol üzrə Avropa çempionatı avqustun 27-də start götürüb. Turnir Kipr, Finlandiya, Polşa və Latviya ərazilərində keçirilir və sentyabrın 14-də başa çatacaq.