“Turan Tovuz” heyətini yeni futbolçu ilə gücləndirib. Qərb təmsilçisi millinin müdafiəçisi Rahil Məmmədovu rənglərinə bağlayıb.
Klubun mətbuat xidmətinin məlumatına görə, təcrübəli stoperlə “1+1” illik müqavilə imzalanıb.
Son olaraq “Araz-Naxçıvan”ın formasını geyinən Rahil Məmmədov ölkə çempionatında böyük təcrübəyə malikdir. O, karyerası ərzində “Neftçi”, “Səbail”, “Zirə” və “Qarabağ” kimi aparıcı klubların şərəfini qoruyub.
Milli komandamızın da əsas heyət üzvlərindən olan 29 yaşlı müdafiəçi legioner həyatı da yaşayıb. Məmmədov Polşa yüksək liqasında LKS (Lodz) və “Radomiak” klublarında çıxış edib.