“Qarabağ”ın Avstriya toplanışı üçün heyəti bəlli olub. Klubun mətbuat xidmətinin məlumatına görə, baş məşqçi Qurban Qurbanov Tirol bölgəsində keçiriləcək hazırlıq mərhələsinə cəlb olunacaq heyəti açıqlayıb.
Avstriya toplanışına yollanacaq 29 nəfərlik heyətdə qapıçılardan Şahruddin Məhəmmədəliyev, Mateuş Koxalski, Martin Zlomisliç və Bilal Hacıyev yer alıblar. Müdafiə xəttində Bədavi Hüseynov, Bəhlul Mustafazadə, Mateus Silva, Dani Bolt, Jeremi Nyali, Bruno Lanqa, Elvin Cəfərquliyev və Məhəmməd İmaməliyev şans qazanacaqlar. Yarımmüdafiədə Coni Montiel, Marko Yakoviç, Pedro Bikalyo, Kadi, Samuel Lobatu, Hikmət Cəbrayılzadə, Bəhruz Qurbanlı, Mehdi Mütəllimli, Əli Bəşirov və Məhəmməd-Şahin Abbasov, hücum xəttində isə Abdellah Zubir, Leandro Andrade, Aleksey Kaşuk, Cəlil Muaddib, Musa Qurbanlı, Zakariya Savoo və Kamilo Duran yer alıblar.
“Köhlən atlar”ın yeni transferi Martin Zlomisliç Bosniya və Herseqovina millisinin heyətində DÇ-2026-dakı çıxışını başa vurduqdan sonra komandanın düşərgəsinə qoşulacaq.