Qış transfer pəncərəsi üçün hazırlıqlarını sürətləndirən “Qalatasaray”, hücum xəttini gücləndirmək məqsədilə sürpriz bir addım atmağa hazırlaşır. “Sarı-qırmızılar”ın transfer siyahısına “Portu”da çıxış edən milli futbolçu Dəniz Gül daxil edilib.
Viktor Osimhen və Mauro İkardi kimi ulduzlara dəstək olacaq yerli hücumçu axtarışında olan “Qalatasaray”, seçimini 21 yaşlı Dəniz Güldən yana edib. İstanbul təmsilçisinin yaxın günlərdə Portuqaliya klubu ilə rəsmi danışıqlara başlayacağı gözlənilir.
Dəniz Gülün “Portu” ilə 2029-cu ilə qədər müqaviləsi olsa da, bəzi amillər bu transferi “Qalatasaray” üçün əlçatan edir. “Portu”nun Terem Moffini transfer etməsindən sonra Dəniz Gül heyətdə üçüncü hücumçu statusuna düşüb. Gənc futbolçunun daha çox oyun vaxtı qazanmaq istəyi “Qalatasaray”ın onu transfer etmək imkanını artırır .
Cari mövsümdə komandası ilə 24 matça çıxan Dəniz Gül, bu oyunlarda 4 qol və 1 məhsuldar ötürmə ilə yadda qalıb.