“Tottenhem” rəhbərliyi uğursuz nəticələrdən sonra baş məşqçi Tomas Frankı istefaya göndərib. “The Athletic”in yaydığı xəbərə görə, 52 yaşlı mütəxəssisin vəzifəsindən azad edilməsinə komandanın son vaxtlar göstərdiyi zəif performans səbəb olub.
“Şpurlar” Premyer Liqada keçirdikləri son 8 oyunun heç birində qələbə qazana bilməyiblər, son 17 liqa oyununda isə cəmi 2 qələbə əldə ediblər. Dünən “Nyukasl”a doğma meydanda alınan 1:2 hesablı məğlubiyyət klub rəhbərliyi üçün səbr kasasını daşıran son damla olub. Xatırladaq ki, danimarkalı mütəxəssis 2025-ci ilin iyununda “şpurlar”ın sükanı arxasına keçmişdi.
“Tottenhem” hazırda İngiltərə çempionatının turnir cədvəlində 26 turdan sonra 29 xalla 16-cı yerdədir. Frank 2025-ci ilin iyun ayından komandaya rəhbərlik edirdi.
