Argentina yığmasının təcrübəli müdafiəçisi Nikolas Otamendi milli komandadakı karyerasını başa vurduğunu elan edib. 38 yaşlı futbolçu bu barədə sosial şəbəkə hesabında paylaşım edib.
2009-cu ildən “albiseleste”nin şərəfini qoruyan Otamendi yığmada keçirdiyi 139 matçda 8 qola imza atıb. Dünya çempionu və Kopa Amerikanın ikiqat qalibi olan mərkəz müdafiəçisi yığma ilə vidalaşmasını belə ifadə edib: “Bu gün karyeramın ən çətin sözlərini yazmalıyam. Taleyin hökmü ilə milli komandadakı son matçım mundialın finalı ilə üst-üstə düşdü. Hər şey planlaşdırdığımız kimi getməsə də, başımı dik tutaraq ayrılıram”. Karyerası ərzində “Portu”, “Valensiya”, “Mançester Siti” və “Benfika” kimi klubların formasını geyinən Otamendi, bu ilin may ayında vətəninə qayıdaraq “River Pleyt”lə müqavilə bağlamışdı.