Kolumbiya millisi matça aşkar favorit statusunda çıxmışdı. Cənubi amerikalılar ilk dəqiqələrdən bu dünya çempionatında növbəti bir sensasiyaya icazə vermək niyyətində olmadıqlarını nümayiş etdirdilər.

Görüşün startından etibarən topa nəzarəti tamamilə ələ keçirən Kolumbiya, rəqibə demək olar ki, heç bir şans vermədi. Düzdür, matçın debütü kolumbiyalılar üçün xoşagəlməz hadisə ilə yadda qaldı. Artıq 7-ci dəqiqədə hücumçu Con Kordoba budun arxa əzələsini tutaraq yerə yıxıldı. Baş məşqçi Nestor Lorenso məcburi əvəzetməyə əl atmalı oldu.

Lakin bu erkən itki komandanın oyun ritminə təsir etmədi və sürətli qol özünü çox gözlətmədi. 14-cü dəqiqədə Luis Xavyer Suares rəqibin sıx müdafiə baryerini (“avtobus”unu) yarmağı bacardı – onun uzaq dirəyə ötürdüyü topu Con Arias bir toxunuşla hesabı açdı.

Qanalılar yalnız ilk hissənin sonlarına yaxın oyunu cərimə meydançalarından uzaqlaşdıra bildilər. Buna baxmayaraq, afrikalılar real qol epizodu yarada bilmədilər. Üstəlik, Qana millisi bütün oyun ərzində rəqib qapısına bircə dənə də olsun çərçivəyə doğru zərbə vura bilmədi.

Fasilədən sonra da üstünlüyünü qoruyan Kolumbiya ikinci qola çox yaxın idi. Hətta topu şəbəkədən də keçirdilər, lakin baş hakim ofsayd səbəbindən qolu qeydə almadı. Yekunda minimal, lakin tamamilə inamlı qələbə qazanan cənubi amerikalılar pley-offun növbəti mərhələsinə yüksəldilər. Onların növbəti rəqibi isə İsveçrə olacaq.

 Kolumbiya – Qana 1:0

Qol: Arias, 14 (1:0)

Baş hakim: Kleman Türpen (Fransa).

Kolumbiya: Varqas, Lukumi, Sançes, Moxika, Munyos, Lerma, Arias (Kintero, 73), Puerta, Dias (Kampas, 90), Xames Rodriqes (Rios, 46), Kordoba (Suares, 8).

Qana: Ati-Zidji, Opoku, Lükkassen, Mensa, Senayya (Seydu, 13), Partey, Yirenki (Nuama, 79), Sibo (Ovusu, 62), Semenyo, İnyaki Uilyams (Fatavu, 62), Ayu (Adu, 79).

Sarı vərəqələr: Arias (12), Rios (78) – Yirenki (49), Fatavu (66), Seydu (76).

Stadion: “Arrowhead Stadium” (Kanzas Siti, ABŞ)