Əlcəzair futbolunda bütöv bir dövr qapanır. DÇ-2026-da İsveçrəyə uduzaraq vidalaşan Şimali Afrika təmsilçisində bir ayrılıq yaşanır. “beIN Sports”un məlumatına görə, komandanın kapitanı və canlı əfsanəsi Riyad Marez milli karyerasını başa vurur.
Son illərdə Əlcəzair yığmasının həm vizit vərəqi, həm də əsas hərəkətverici qüvvəsi olan 35 yaşlı ulduz, “Lester” və “Mançester Siti”dəki uğurlu karyerası ilə yanaşı, yığmanı da böyük qələbələrə daşımışdı. Təcrübəli vinger cari dünya çempionatının qrup mərhələsində Avstriya ilə matçda dubl etməklə yadda qalmışdı.
Marez Əlcəzair millisinin heyətində 119 oyuna çıxıb, 40 qol və 45 məhsuldar ötürmə ilə inanılmaz bir statistika imza atıb.