Oktyabrın 24–30-u aralığında Çinin Uşi şəhərində keçiriləcək dünya çempionatında iştirak edəcək taekvondoçulardan ibarət yığma komandamızın heyəti açıqlanıb. Belə ki, mundialda ölkəmizi 9 idmançı təmsil edəcək.
Kişilərin yarışına Bəhruz Quluzadə (54 kiloqram), Qaşım Maqomedov (58 kiloqram), Fuad Təhməzov (63 kiloqram), Riyad Şirəliyev (68 kiloqram), Cavad Ağayev (74 kiloqram), Taleh Süleymanov (80 kiloqram) və Eltac Qafarov (87 kiloqram) qatılacaq.
Qadınların yarışında isə iki idmançımız – Minayə Əkbərova (46 kiloqram) və Səmərrux Osmanova (49 kiloqram) qüvvəsini sınayacaqlar. Beynəlxalq dərəcəli hakim Aygül Abdullayeva isə yarışda ədalət təmsilçisi kimi fəaliyyət göstərəcək.
