DÇ-2026-nın seçmə mərhələsində Avropa zonasında oyunlar davam edir. Macarıstanın Debretsen şəhərində baş tutan İsrail-İtaliya matçı günün oyunu kimi yadda qalıb və bəlkə də seçmə oyunlar tarixinin ən intriqalı və yaddaqalan oyunlarından biri kimi yaddaşlara həkk olunub. B qrupunda isə sensasiya qeydə alınıb. Kosovo öz meydanında İsveç yığmasını məğlub edib. İsveçrə millisi isə Sloveniya üzərində rahat qələbə qazanaraq qrupun favoriti adını təsdiqləyib.

B qrupu

İsveçrə – Sloveniya 3:0
Qollar: Elvedi, 18. Embolo, 33. Ndoy, 38.

Kosovo – İsveç 2:0
Qollar: Recbetsay, 26. Muriçi, 42.

C qrupu

Yunanıstan millisi gözlənilmədən öz meydanında Danimarkaya böyük hesabla məğlub olub. İlk turdan sonra yunanların qrupdan çıxmaq uğrunda mübarizədə əsas komandalardan olduğu zənn edilirdi, lakin yunanlar bu məğlubiyyətlə birincilik imkanlarını çətinə saldılar.  

Belarus – Şotlandiya 0:2
Qollar: Çe Adams, 43. Volkov, 65-avtoqol.

Yunanıstan – Danimarka 0:3
Qollar: Damsqor, 32. A. Kristensen, 62. Heylunn, 81.  

I qrupu

Qrupun yeganə oyunu neytral meydanda keçirildi və əsl triller yaşandı. Azarkeşlər 9 qol görməklə yanaşı son ana qədər gərginlikdə qaldılar. İsrail yığması oyunun sonuna 3 dəqiqə qalmış 2 qol vuraraq hesabı 4:4 etsə də, cəmi bir dəqiqə keçməmiş italyanlar qələbə topunu vura bildi.

İsrail – İtaliya 4:5
Qollar: Lokatelli, 16-avtoqol. Bastoni, 87-avtoqol. Dor Perets, 52; 90 – Moyzen Ken, 40; 54. Politano, 59. Raspadori, 81. Tonali, 90+1.  

L qrupu

Xorvatiya yığması Çernoqoriya üzərində böyük hesablı qələbə ilə birinci sıraya yüksəldi. Görünən odur ki, bu qrupda xorvatların əsas rəqibi Çexiya olacaq. Xatırladaq ki, Xorvatiya öz meydanında çexləri 5:1 darmadağın etmişdi.  

Xorvatiya – Çernoqoriya  4:0
Qollar: Yakiç, 35. Kramariç, 51. Kuç, 86-avtoqol. Perişiç, 90+2.

Gibraltar – Farer adaları 0:1
Qol: M. Aqnarsson, 68.