Bu gün “Neftçi” – MOİK oyunu ilə ölkə kubokunun 1/16 final mərhələsinə yekun vurulub. Bakılıların heyətində Vensan Abubakar ikinci oyununda da fərlənib. Kamerunlu hücumçu bu dəfə dubl edib. Yekunda “Neftçi” rəqibini 6:2 hesabı ilə darmadağın edib.
Günun ilk qarşılaşmasında “Zaqatala” ilə “Sumqayıt” üz-üzə gəlib. Zaqatalıların qapısından üç cavabsız top keçirən “kimyaçılar” növbəti mərhələyə adlayıblar.
Ağsunun “Difai” komandası isə “Xankəndi”ni məğlub edərəək (2:1) 1/8 finala vəsiqə qazanıb. “Şimal”la “Şahdağ Qusar” arasındakı görüşün əsas vaxtı qolsuz heç-heçəylə başa çatıb. Qalib əlavə vaxtda müəyyənləşib və rəqib qaısına iki top vran qusarlılar adını növbəti mərhələyə yazdırıb.
“Mingəçevir”lə qarşılaşan “Qəbələ” böyük hesablı qələbə qazanıb – 5:1. “Səbail” – “Şamaxı” cütünün taleyini isə bir qol həll edib. Yeganə qola şamaxılıların tanzaniyalı legionerı Alfons Msanqa imza atıb.
Xatırladaq ki, dünən “Kəpəz”, “Karvan-Yevlax”, “İmişli”, “Turan Tovuz”, “Baku Sportinq” və “Şəfa” 1/8 finala vəsiqə qazanıb.