İtaliya mətbuatı transfer bazarını sarsıdacaq iddia ilə çıxış edib. “Napoli”nin “Qalatasaray”ın müdafiəçisi Vilfrid Sinqonu hədəf aldığı və onun müqaviləsindəki sərbəstqalma maddəsindən yararlanmağı planlaşdırdığı bildirilir.

Məşhur “Il Mattino” qəzetinin verdiyi məlumata görə, “Napoli” kot`ivarlı müdafiəçinin durumunu yaxından izləyir. Xəbərdə qeyd olunur ki, yay transfer pəncərəsində “Monako”dan 30 milyon avroya transfer edilən Sinqonun müqaviləsində ilk mövsüm üçün 60 milyon avroluq sərbəstqalma bəndi var. Müdafiə xəttini gücləndirmək istəyən İtaliya təmsilçisinin bu məbləği ödəməyə hazır olduğu vurğulanır.

Xatırladaq ki, Viktor Osimhenin “Qalatasaray”a keçidi zamanı tərəflər arasında danışıqlar kifayət qədər çətin keçmişdi. İndi isə “Napoli”nin Sinqo üçün rəsmi addım atmağa hazırlaşması iki klub arasındakı transfer rəqabətini daha da qızışdırıb.

Zədədən döndükdən sonra yüksək performansı ilə diqqət çəkən 25 yaşlı müdafiəçi cari mövsüm “sarı-qırmızılı” forması ilə meydana çıxdığı 21 matçda 3 məhsuldar ötürmə edib.

Hazırda Avropanın bir neçə nəhəng klubunun da diqqət mərkəzində olan Sinqonun karyerasını yenidən İtaliyada davam etdirməyəcəyi maraqla gözlənilir.