“Mançester Siti”nin yarımmüdafiəçisi Rodri, qeyri-etik davranışına görə ciddi problemlərlə üzləşə bilər. The Athletic nəşrinin yaydığı məlumata görə, İngiltərə Futbol Assosiasiyası (FA) Premyer Liqa hakimləri barədə işlətdiyi ifadələrə görə ispaniyalı futbolçunu diskvalifikasiya etməyə hazırlaşır.

Rodri “şəhərlilər”in 2 top fərqi ilə öndə olduğu, lakin qələbəni əldən verdiyi “Tottenhem” (2:2) matçından sonra referilərin işini emosional şəkildə şərh edib. Onun bu sözləri intizam araşdırmasına səbəb olub.

Rodri qalmaqallı belə şərh edib: “Bilirəm ki, biz çox qazanmışıq və insanlar artıq qalib gəlməyimizi istəmirlər. Lakin hakim neytral olmalıdır. Düzünü desəm, bu yanaşma mənə qarşı ədalətsiz görünür. Biz bu vəziyyətlər üçün çox ağır məşq edirik, amma belə qərarlardan sonra sadəcə yolumuza davam etməyə məcburuq”.

Xatırladaq ki, 2025/2026 mövsümündə “Mançester Siti” 26 turdan sonra 53 xalla turnir cədvəlinin ikinci pilləsində qərarlaşıb. Rodri cari kampaniyada bütün turnirlər daxil olmaqla meydana çıxdığı 20 matçda 1 qol vurub.