“Barselona”nın ulduz futbolçusu Pedri Çempionlar Liqasının “Slaviya” ilə səfər oyununda (4:2) zədələnərək sıradan çıxıb. İspaniya mətbuatının yaydığı məlumata görə, dizaltı vətərindən xəsarət alan 23 yaşlı yarımmüdafiəçi ən azı bir ay yaşıl meydanlardan uzaq düşəcək.
Təcrübəli oyunçunun bu müddət ərzində La Liqa, Çempionlar Liqası və İspaniya Kral Kuboku daxil olmaqla, ümumilikdə 7 qarşılaşmanı buraxacağı gözlənilir. Qeyd edək ki, Pedri cari mövsümdə kataloniyalıların heyətində meydana çıxdığı 25 rəsmi matçda 2 qol və 8 məhsuldar ötürmə ilə yadda qalıb.
