“Qalatasaray”ın sabiq futbolçusu, 39 yaşlı ulduz hücumçu Radamel Falkao, karyerası ilə bağlı mühüm qərar verərək yenidən yaşıl meydana dönüb. Təcrübəli oyunçu Kolumbiyanın “Millonarios” klubu ilə rəsmi müqavilə imzalayıb.

Uzun müddət Avropanın nəhəng klublarında çıxış edən Falkao, yenidən futbol oynamaq üçün böyük həyəcan keçirdiyini bildirib: “Futbol üçün çox darıxmışam. Yenidən qollar vurmaq və azarkeşləri sevindirmək üçün səbirsizlənirəm”.

Avropada vurduğu qollarla adından söz etdirən ulduz futbolçu, Türkiyə təmsilçisi “Qalatasaray”dakı karyerasında zədələr səbəbindən gözlənilən effekti verə bilməmişdi. “Sarı-qırmızılı” forma ilə ümumilikdə 43 matça çıxan kolumbiyalı hücumçu, bu oyunlarda 20 qol və 3 məhsuldar ötürmə ilə yadda qalıb.