Premyer Liqada 16-cı tura start verilib. Bu gün turnir cədvəlinin həm yuxarı, həm də aşağı sıraları üçün həlledici əhəmiyyət kəsb edən iki maraqlı qarşılaşma baş tutacaq.

Dünən turun açılış matçında “Turan Tovuz” səfərdə “Kəpəz”i 2:0 hesabı ilə məğlub edərək mövqeyini möhkəmləndirdi. Bu gün isə diqqətlər Yevlaxa və Bakıya yönələcək.

14:00. “Karvan” – “Neftçi”

Günün ilk matçı Yevlax Şəhər Stadionunda baş tutacaq. Turnir cədvəlinin sonuncu pilləsində qərarlaşan “Karvan” ölkənin ən köklü klublarından olan “Neftçi”ni qəbul edir.

Hakim: Qarşılaşmanı FİFA referisi Əliyar Ağayev idarə edəcək.

“Karvan” bu mövsüm cəmi 6 xal toplayab və elitada qalmaq üçün hər xala ehtiyacı var. Yuri Vernidubun rəhbərlik etdiyi “Neftçi” isə qeyri-sabit çıxışı ilə azarkeşlərini məyus etməkdə davam edir. Bu oyun “ağ-qaralar” üçün ilk dördlüyə yaxınlaşmaq baxımından böyk önəm daşıyır.

16:30. “Zirə” – “İmişli”

Günün ikinci oyunu paytaxtın Zirə qəsəbəsində reallaşacaq. Avrokuboklara iddialı olan Rəşad Sadıqovun yetirmələri liqanın “dişli” debütantı “İmişli” ilə üz-üzə gələcək.

Hakim: Baş hakim Cavid Cəlilov olacaq.

 Hazırda “Zirə” 27 xalla 5-ci pillədə qərarlaşıb və liderlər qrupundan qopmamağa çalışır. Digər tərəfdən, “İmişli” səfər oyunlarında göstərdiyi əzmkarlıqla tanınır. Xatırladım ki, bu komandaların birinci dövrədəki oyununda qalibi müəyyənləşməmişdir – 1:1.