Məhkəmə Killian Mbappe ilə sabiq klubu PSJ arasındakı qarşılıqlı ittihamlara son qoyub. Paris Əmək Mübahisələri Məhkəməsi PSJ-nin Killian Mbappeyə ödənilməmiş əməkhaqqı və bonuslar üçün 61 milyon avro təzminat ödəməsi barədə qərar çıxarıb. Xatırladaq ki, ulduz futbolçu müqaviləni uzatmaqdan imtina etdikdən sonra klub rəhbərliyi tərəfindən ona qarşı pis rəftar edildiyini iddia edirdi. PSJ isə hesab edirdi ki, Mbappe klubun Səudiyyə Ərəbistanının “Əl-Hilal” komandasına mümkün transferindən qazanacağı gəlirə bilərəkdən mane olub.
Noyabrın 17-dən davam edən məhkəmə prosesində tərəflərin tələbləri kəskin fərqlənirdi:
Futbolçu müqaviləni uzatmadığı üçün məruz qaldığı psixoloji təzyiq və pis rəftara görə klubdan 263 milyon avro təzminat tələb edirdi.
Klub isə hücumçunu “Əl-Hilal”la planlaşdırılan və daha böyük məbləği nəzərdə tutan transfer sövdələşməsini pozmaqda günahlandıraraq 240 milyon avroluq qarşılıqlı iddia qaldırmışdı.
Məhkəmə PSJ-nin bütün tələblərini əsassız sayaraq rədd edib.
Mbappe 2023/24 mövsümünün əvvəlində təqdim etdiyi şikayətdə bildirmişdi ki, müqaviləni yeniləmədiyi üçün o, əsas heyətdən uzaqlaşdırılıb və satılması planlaşdırılan “artıq” futbolçularla məşq etməyə məcbur edilib. PSJ isə futbolçunu “Əl-Hilal”ın təklif etdiyi 300 milyon avroluq rekord transferə mane olmaqda təqsirləndirirdi.
Xatırladaq ki, 2024-cü ildə Mbappe azad agent statusu ilə “Real” keçmişdir. Tərəflər arasındakı əsas mübahisə 2023-cü ilin avqustunda əldə olunmuş şifahi razılaşmadan qaynaqlanırdı. Həmin razılaşmaya görə, futbolçu mövsüm sonunda klubdan pulsuz gedəcəyi təqdirdə 55 milyon avroluq bonusdan imtina etməli idi. Lakin Mbappe yanvar ayında jurnalistlərə açıqlamasında bu razılaşmanın hüquqi qüvvəsinin şübhəli olduğunu bildirmişdi.
Fransanın Peşəkar Futbol Liqası (LFP) və Fransa Futbol Federasiyası (FFF) da apellyasiya şikayətləri zamanı Mbappenin tərəfini tutmuşdu.
Məhkəmə Killian Mbappe ilə sabiq klubu PSJ arasındakı qarşılıqlı ittihamlara son qoyub. Xatırladaq ki, ulduz futbolçu müqaviləni uzatmaqdan imtina etdikdən sonra klub rəhbərliyi tərəfindən ona qarşı pis rəftar edildiyini iddia edirdi. PSJ isə hesab edirdi ki, Mbappe klubun Səudiyyə Ərəbistanının “Əl-Hilal” komandasına mümkün transferindən qazanacağı gəlirə bilərəkdən mane olub.
“L’Equipe” nəşrinin yaydığı məlumata görə, Paris Əmək Mübahisələri Məhkəməsi PSJ-nin Killian Mbappeyə ödənilməmiş əməkhaqqı və bonuslar üçün 61 milyon avro təzminat ödəməsi barədə qərar çıxarıb.
Noyabrın 17-dən davam edən məhkəmə prosesində tərəflərin tələbləri kəskin fərqlənirdi:
Futbolçu müqaviləni uzatmadığı üçün məruz qaldığı psixoloji təzyiq və pis rəftara görə klubdan 263 milyon avro təzminat tələb edirdi.
Klub isə hücumçunu “Əl-Hilal”la planlaşdırılan və daha böyük məbləği nəzərdə tutan transfer sövdələşməsini pozmaqda günahlandıraraq 240 milyon avroluq qarşılıqlı iddia qaldırmışdı.
Məhkəmə PSJ-nin bütün tələblərini əsassız sayaraq rədd edib.
Mbappe 2023/24 mövsümünün əvvəlində təqdim etdiyi şikayətdə bildirmişdi ki, müqaviləni yeniləmədiyi üçün o, əsas heyətdən uzaqlaşdırılıb və satılması planlaşdırılan “artıq” futbolçularla məşq etməyə məcbur edilib. PSJ isə futbolçunu “Əl-Hilal”ın təklif etdiyi 300 milyon avroluq rekord transferə mane olmaqda təqsirləndirirdi.
Xatırladaq ki, 2024-cü ildə Mbappe azad agent statusu ilə “Real” keçmişdir. Tərəflər arasındakı əsas mübahisə 2023-cü ilin avqustunda əldə olunmuş şifahi razılaşmadan qaynaqlanırdı. Həmin razılaşmaya görə, futbolçu mövsüm sonunda klubdan pulsuz gedəcəyi təqdirdə 55 milyon avroluq bonusdan imtina etməli idi. Lakin Mbappe yanvar ayında jurnalistlərə açıqlamasında bu razılaşmanın hüquqi qüvvəsinin şübhəli olduğunu bildirmişdi.
Fransanın Peşəkar Futbol Liqası (LFP) və Fransa Futbol Federasiyası (FFF) da apellyasiya şikayətləri zamanı Mbappenin tərəfini tutmuşdu.