Səudiyyə Ərəbistanının paytaxtı Ər-Riyad şəhərində keçirilən VI İslam Həmrəyliyi Oyunlarında iki cudoçumuz – Zelim Kotsoyev (100 kiloqram) və Südabə Ağayeva (70 kiloqram) adını finala yazdırıb. Aytac Qardaşxanlı (70 kiloqram), Günel Həsənli (78 kiloqram), Elcan Hacıyev (90 kiloqram) və Uşanqi Kokauri (+100 kiloqram) isə bürünc medal uğrunda mübarizə aparacaqlar. Yeri gəlmişkən, ötən gün cüdoçularmız 1 qızıl, 1 gümüş və 2 bürünc medal qazanıblar.
Boksçularımıza gəlincə, 80 kiloqram çəki dərəcəsində çıxış Səidcəmşid Cəfərov iordaniyalı Hüseyn Laşhaişini 5:0 hesabıyla məğlub edərək finala vəsiqə qazanıb. Bu gün, bokçularmızdan Aynur Mikayılova (57 kiloqram), Fatimə Mehdiyeva (65 kiloqram), Məhəmmədəli Qasımzadə (60 kiloqram) və Sərxan Əliyev (70 kiloqram) yarımfinalda mübarizə aparacaqlar.
C qrupunda yer alan qadınlardan ibarət stolüstü tennisçilərimiz sonuncu matçında Pakistan yığmasını 8:3 məğlub edərək qrup qalibi qisimində 1/4 finala yüksəlib.