Hindistanın Qoa şəhərində keçirilən şahmat üzrə Dünya kubokunda 1/32 final mərhələsinin cavab oyunları keçirilib. İlk oyunda macar Gergeli Kantoranı məğlub edən Şəhriyar Məmmədyarov cavab görüşündə uduzub. Rauf Məmmədovun alman Rasmus Svaynla, Aydın Süleymanlı isə Boqdan-Daniel Deacla arasındakı hər iki qarşılaşma sülhlə bitib. Sabah Məmmədyarov, Məmmədov və Süleymanlı rəqiblərini tay-breykdə sınağa çəkəcəklər. Hər iki oyunda rusiyalı Andrey Esipenkoya uduzan Nicat Abasov turnirdə çxışını başa vurub.
