Moldovanın paytaxtı Kişinyovda keçirilən 23 yaşadək gənclərin cüdo üzrə Avropa çempionatı start verilib. Yarışın ilk günündə 66 kiloqram çəki dərəcəsində çıxış edən İslam Rəhimov qızıl medal qazanıb. Cüdoçumuz finalda niderlandlı Yoxem van Harten üzərində əzmkar qələbə qazanıb.
Yarışa 1/16 final mərhələsindən qoşulan Rəhimov əvvəlcə slovak Roman Dekanı, daha sonra xorvat Dani Klaçarı məğlub edib. 1/4 finalda idmançımız erməni Jirayr Hambaryanı mübarizədən kənarlaşdırıb. Final yolunda onun son rəqibi ukraynalı Nazar Viskova olub. Xatirladım ki, Rəhimov 4 il əvvəl yeniyetmələr arasında qitə çempionatında qızıl medal qazanıb.
Turnirin ikinci günü daha altı cüdoçumuz mübarizə qoşulub: Ömər Rəcəbli, Vüsal Qələndərzadə (hər ikisi – 81 kq), Vüqar Talıbov, Aslan Kotsoyev (hər ikisi – 90 kq), Əjdər Bağırov (100 kq) və Kənan Nəsibov (+100 kq).
Nəsibov finalı rəqibini gözləyir, Rəcəbli isə həlledici görüşdə uduzaraq gümüş medal qazanıb. Təsəlliverici görüşdə qalib gəlib gələn Talıbovla yarımfinalda uduzan Kotsoyev bürünc medal uğrunda mübarizə aparacaq.
Bağırov elə ilk raundda, Qələndərzadə isə 1/4 final qarşılaşmasının ardından təsəlliverici görüşdə uduzaraq mübarızəni dayandırıb.