Monteneqronun Budva şəhərində keçirilən U-15 Avropa çempionatında daha üç boksçumuz növbəti mərhələyə adlayıb. 42 kiloqram çəki dərəcəsində yarışan Onur Qurbanov israilli Arkan Zoubini 5:0 hesabıyla məğlub edib. Yarımfinala yüksəlməklə ən azı bürünc medalı təmin edən Qurbanov finala gedən yolda ingilis Meyson Lonqla qarılaşacaq. Bu döyüş oktyabrın 24-də keçiriləcək.
1/8 finalda 57 saniyəyə avstriyalı rəqibi Rikardo Karabası məğlub edən Sərxan Haqverdiyev (63 kiloqram) növbəti mərhələdə ukraynalı David Yuldaşevlə döyüşəcək.
66 kiloqram çəki dərəcəsində yarışan Nurlan Müseyibli 1/8 finalda israilli Mixael Nikolayenko üz-üzə gəlib. Görüşün taleyini birinci raundda həll edən boksçumuzun növbəti rəqibi eston Vladimir Versesjan olacaq. Hər iki boksçu oktyabrın 23-də rinqə çıxacaqlar.
Sonda onu da deyək ki, 32 ölkənin 369 boksçusun qatıldığı qitə çempionatı oktyabrın 25-də başa çatacaq.
