İştah diş altındadır deyiblər. İndi bu deyimi PSJ-nin forvardı Osman Dembeleyə şamil etsək yanılmarıq. Forvard “Qızıl top”u aldıqdan sonra klub rəhbərliyindən israrla maaşının artırılmasını tələb edir. “L’Equipe”in məlumatına görə, Paris klubunun bossları onunu maaşını artırmağa hazırdır. Ancaq ona Neymar və ya Lionel Messinin əvvəllər qazandığı qədər pul ödəməyə razı deyillər. Mənbənin sözlərinə görə, PSJ artıq transferlərə böyük məbləğdə pullar xərcləməməyə və əmək haqqı hesabını şişirtməməyə çalışır.