Millimiz Krakovda Ukrayna ilə üz-üzə gəldi. Yeri gəlmişkən, komandamız səfər zamanı yüklərini itirdikləri üçün oyun öncəsi məşqə vaxtında çıxa bilməyib. Ayxan Abbasovun gəlişindən sonra üçüncü oyununa çıxan yığmamız Bakıda qazanılan bir xalın təsadüfi olmadığını göstərməli idi. Bütün komanda ilə müdafiə olunan və qol şansını əks-hücumda axtaran komandamızın taktikası ilk yarıda özünü doğrultdu. İkinci hissədə oyunun ssenarisi dəyişmədi. Sonda Malinovskinin qolu ukraynalılara qələbə qazandırdı.
Qrupdakı digər oyunda isə fransızlar İslandiya ilə heç-heçə oynadı. Didye Deşamın komandası qələbə qazanacağı təqdirdə mundiala vəsiqəni təmin etmiş olacaqdı.
DÇ-2026
Seçmə mərhələ, IV tur
Ukrayna – Azərbaycan 2:1
Baş hakim: Sebastyan Qisxamer (Avstriya)
Ukrayna: Anatolo Trubin, Yuxim Konoplya (Boqdan Mixayliçenko, 46), İlya Zabarnıy, Mikolo Matviyenko (k), Vitali Mikolenko, Ruslan Malinovski (Mikola Şaparenko, 71), Yeqor Yarmolyuk (Valeriy Bondar, 85), Oleq Oçeretko (Artem Bondarenko, 71), Aleksiy Gutsulyak (İvan Kalujniy, 85) , Nazar Voloşin, Artyom Dovbik.
Azərbaycan: Şahruddin Məhəmmədəliyev, Elvin Cəfərquliyev, Elvin Bədəlov, Bəhlul Mustafazadə, Anton Krivotsyuk, Abbas Hüseynov (Qismət Alıyev, 85), Anatoli Nuriyev (Musa Qurbanlı, 61), Emin Mahmudov (k), Abdulah Xaybulayev (Murad Xaçaiyev, 90), Toral Bayramov (Rüstəm Əhmədzadə, 85), Nəriman Axundzadə (Mahir Əmrəli, 85).
Qollar: Aleksey Qutsulyak, 30 (1:0), Mikolenko (ö.q) , 45+3 (1:1), Ruslan Malinovski, 64 (2:1)
