ABŞ yığmasının keçmiş oyunçusu Alan Qordon yerli jurnalistlərə Şimali Amerika liqasında çıxış edən iki argentinalının davasından danışıb. Onun sözlərinə görə, “İnter Mayami”nin formasını geyən Lionel Mess Liqa kuboku oyunu zamanı “Sietl Saunders”də çıxış edən həmyerlisi Pedro de la Veqanı hədələyib. MLS-in keçmiş ulduzu Qordon deyib: “”Xatırlayırsınızsa, oyunun gedişində onların arasında mübahisə oldu. Messi de la Veqaya “nə qədər ki, mən oradayam sən heç vaxt yığmada oynamayacaqsan ” deməklə faktiki elə meydançada onunun adını “qara siyahıya” saldı. Fikrimcə, bu iyrənc haldı”.

Xatırladaq ki, Messinin komandası Liqa kubokunun finalında “Sietl Saunders”ə 0:3 hesabı ilə uduzub. 24 yaşlı de la Veqaya gəlincə, o indiyədək yalnız Argentinanın olimpiya və gənclər yığmasında oynayıb.

De La Veqa da bu insident barədə danışmağa məcbur olub. Lakin o, tiyatlı danışıb və Messinin nə dediyini açıqlamayıb. Gənc futbolçu mübahisəni oyunun bir parçası kimi təqdim edərək vəziyyəti yumşaltmağa çalışıb. O deyib: “Messi və [Rodrigo] De Paul? Onlar dahidir. Onlar dünya çempionlarıdır və ikisi də mənim idolumdur. Toqquşma sadəcə oyunun bir hissəsi idi. Mən bunu şəxsi qəbul etməməyə çalışdım. Onlarla argentinalı kimi üz-üzə gəlmək tamam başqa bir təzyiqdir”.

Messinin Argentina yığmasında “dedovşinalıq” etməsi yenilik deyil. Vaxtilə onun Mauro İkkardi və Paulo Dibala kimi istedadların milliyə çağırılmasına mane olması barədə də söz-söhbətlər dolaşırdı.